KALIBO, Aklan — Nagpakamatay pinaagi sa pagbigti ro sangka 55 anyos nga eaeaki nga gina-alegar nga may diperensiya sa paminsaron bandang alas-5:30 kaina it agahon sa sueod it andang baeay sa Brgy. Bagto, Lezo, Aklan.
Ginkilaea ro biktima nga si Jesus Gonzales, residente it Brgy. Laguinbanua West, Numancia, apang haeos daywang dag-on eon nga naga-istar sa nasambit nga lugar.
Sa imbestigasyon it Lezo Police Station, nasapwan it anang pamilya ro nakabigti nga eawas it biktima sa kisame sa sueod it andang baeay.
\
Insigidang nakapangayo it tabang ro pamilya sa andang kaeapitbaeay ag kapulisan .
Ginkabuligan pa nga mapapanaog ro nakabigti nga eawas it biktima ag gindaea sa provincial hospital, apang patay eon kat maka-abot .
Nagpamalibad eon nga pa-imbestigahan it pamilya ro pagbigti it biktima bangud nga kumbinsido sanda nga hungod gid man nga nagpakamatay raya bangud nga mag-eowas nga may ginabatyag nga baeatian hay may diperensiya pa sa paminsaron .
