Gin-aresto ro sangka eaeaki sa Houston, Texas matapos madakpan raya nga nagapanago sa landing gear it eroplano it American Airlines.
Gin obra raya it suspek para makasakay it libre halin sa Houston paagto sa Miami!
Suno sa spokesperson it Bush Intercontinental Airport, gin-eumpat ni Jehffrey Gutirres ro security fence it airport para maka-agto sa tarmac.
Nadakpan ro 26-anyos nga stowaway nga nagpanago sa landing gear wheel well it eroplano samtang nagapatigayon it pre-flight check ro empleyado it American Airlines.
Ro landing gear wheel well hay sangka compartment nga may sueod nga steering and hydraulic components it eroplano.
Engkaso nga owa nadakpan si Gutirres ag naka-eupad ro eroplano samtang imaw hay sa sueod kara, posibleng makaangkon it aksidente nga ikapahamak it 166 nga pasahero kara.
Suno sa mga pulis, repeat offender si Gutirres ag bukon it raya ro unang kahigayunan nga nakasuhan imaw it trespassing. Nakahilway eamang imaw sa mga naunang kaso bangud sa piyansa
Bangud sa pagkatukib kay Gutirres sa landing gear, ginpaanaog ro tanan nga pasahero it eroplano ag naging rason raya it 44 minutes nga flight delay.
Mag-eowas kara, ro bilog nga Bush airport hay nakaexperiensiya it pilang flight interruptions.
Sa makaron hay nakakulong si Gutirres sa Harris County Jail sa kasong impairing or interrupting the operation of a critical infrastructure facility and misdemeanor charges of deadly conduct and criminal trespassing.
