Eaeaki nga may pangaean nga John 3:16, agaw atensyon
Tanan kita hay may pangaean nga gina-angkon nga ginpag-isipan it mayad it aton nga mga ginikanan,
Apang, agaw atensyon makaron sa social media ro sangka eaeaki nga may kakaibang pangaean.
Ginasugid nga kaibahan ro estudyanteng si John 3:16 nga owa eon ginbulgar ro anang apelyido sa mga magabo-oe it entrance examination sa Central Philippine University sa kursong engineering.
Naispatan ro anang pangaean it mga netizens nga makaron hay viral sa social media.
Sa Bibliya, ro anang pangaean hay sangka verse nga nagakaueugan nga “For God so loved the world, that he gave his only begotten Son, that whosoever believeth in him should not perish, but have everlasting life.
Sa turo it simbahan, ro atong pangaean hay senyales it aton nga pagkatawo. Raya ro aton nga proper identification. Ro gina-angkon nga pangaean hay may importanteng kahueugan sa imong pagkatawo ag kapalaran.
Ginpahayag nga ro pangaean hay sang selyo it atong personal identity, kun sa siin kumbaga sa sangka produkto, raya ro aton nga barcode nga naga-angkon it tanan nga impormasyon angot kimo.
Ro aton nga Kristiyano nga pangaean nga ginbaton naton sa bunyag hay ro pangaean man nga atong pagadaehon maskin sa pihak nga kinabuhi.
Dapat naton nga irespeto ro aton nga pangaean.
