KALIBO, Aklan—Nagapangatubang sa kasong pag-eabag sa Republic Act 10883 ukon mas kilaea bilang Anti-Carnapping Act of 2016 ro sangka eaeaki nga imaw ro responsable sa pagkaduea it sangka motorsiklo sa Brgy. Libang, Makato, Aklan.
Ginkilaea ni Police Staff Sargent James Padasas it Makato PNP ro suspek nga si Sherwin Reyes y Magharing, sa legal nga edad ag residente it Brgy. Dongon West, Numancia, Aklan.
Suno kay PSSgt. Padasas, nagreport sa andang taeatapan ro tagreklamo nga si John Ginoy y Laurencio, 44-anyos ag residente it nasambitang lugar matapos nga naduea ro anang motorsiklo nga nakaparking sa anda nga ugsaran.
Bangud kara, gilayon nga nagpatigayon it follow investigation ro pulisya kon sa siin positibo nga gintakaw it suspek ro behikulo ag gin-ako kara ro anang ginhimo hasta nga imaw man mismo ro nagturo sa pulisya kon sa siin nana ginbilin ro nasambitang motorsiklo.
