POLICE Report — Kamatayon ro gindangatan it 39 anyos nga eaeaki matapos nga matumba sa karsada ro ginamaneho nga motorsiklo sa Sitio Labut, Brgy. Lipit, Cabugao, Ilocos Sur.
Suno sa mga awtoridad, ro biktima hay residente it Brgy. Arnap it nasambit man nga banwa.
Ginamaneho it biktima ro kulay itom nga Euro motorcycle ag paagto sa nasidlangan nga direksyon sa barangay road sa nasambit nga lugar.
Pag-abot kara sa pakurbang parte it karsada, ginadudahan nga naduea-an it kontrol sa manibela ro biktima hasta nga natumba sa karsada ro anang motorsiklo.
Resulta kara, nag-angkon it head injury ro biktimang owa it suksok nga helmet.
Insigida raya nga gindaea sa Pira Clinic and Hospital it mga rumespondeng PNP personnel.
Apang gindeklarang dead on arrival it nagtatap nga doktor.
