Eaeaki sa Austria, nagbuhay it masobra sa 2 oras samtang nakababad sa yelo

Kalibo Aklan ——Nakalista it record ro sangka eaeaki sa Austria sa may pinakamabuhay nga nagapabilin samtang ginpalibutan it yelo.

Nakasuksok eamang it trunks si Josef Koeberi kat ginsueod raya sa transparent nga kahon nga ginbutangan it 1,800 kilos nga yelo sa Melk, West Vienna.

Nagbuhay imaw it daywang oras, 30 minutos ag 53 segundos.

Bangud kara, naeampasan it 43-anyos nga si Koeberi ro record nga ginabuytan ni Songhao Jin it China nga may una eamang nga 1 hour, 53 minutes ag 10 seconds ko 2014.

Naeampasan man ni Koeberi ro anang kaugalingong record ko nagtaliwan nga dag-on nga may daywang oras ag waeong minuto sa Vienna.

Target man kara sa masunod nga dag-on nga umabot it tatlong oras.