TANGALAN, Aklan – Nag-agom it buno sa waea nga bahin it tiyan ro sangka eaeaki sa Brgy. Panayakan, Tangalan ku Oktubre 3 it hapon kat imaw hay aksidente sigon nga habuno ku anang magueang.
Ginkilaea ro biktima nga Rex Panagsagan, 46-anyos ag ro suspek hay si Rey Panagsagan nga parehong residente it nasambit nga lugar.
Pahayag ni PEMS Sherill D. Teodosio ro Municipal Executive Senior Police Officer Tangalan PNP nga base sa imbestigasyon hay nag-angkon it mainit nga diskusyon ro daywa parte sa andang personal nga kabuhi ag bangud kara nagbueo it pala ro biktima ag hinampak ro suspek sa anang likod.
Bangud sa natabo, hay naggabot man it siyaw ro suspek ag anang binuno ro biktima.
Samtang, ginsurrender man it suspek ro anang kaugalingon dungan ro pag-aku sa mga kapulisan sa anang krimen nga ginhimo sa may bahin it Brgy. Tagas, Tangalan.
Sa makaron, una sa pribado nga ospital sa banwa it Kalibo ro biktima ag nagapamayad sa ICU matapos maghalin sa anang operasyon.
Uwa man sigon it plano ro biktima nga magpasaka it kaso sa anang magueang.
