KALIBO, Aklan – Matapos magpangatubang sa kasong pag eabag sa Republic Act 8485 ukon Animal Welfare Act bangud sa pagpang-rape sa sangka baka, uman nga naaresto ro sangka eaeaki matapos gin reklamo it pagpang-himueos sa sangka
limang dag-un nga unga sa Barangay Tambak, New Washington, Aklan.
Gin aresto ro suspek nga ginkilaeang si Romelito Enriquez, 31-anyos nga residente it Barangay Mabilo sa nasambitang banwa matapos nga magpasaka it reklamo ro ginikanan it unga.
Base sa report, gin sueod it suspek ro biktima samtang naga isaeahanon sa pagtan-aw it pagowa sa telebisyon ag gin guyod sa madueom nga porsyon it samad nga pader maeapit sa baybayon.
Gina sugid nga temporaryong gin aywanan it anang ina ro biktima agud sueangon ro mister sa namatchan.
Pag-uli it mag-asawa hay naga panangison nga nagsugid ro unga sa gin himo kana it suspek ag ginpakita pa ro anang
underwear nga may mancha it dugo.
Gin kumpirma man it New Washington Police Station nga dati eon nga may record si Enriquez it pagpang-rape sa alagang baka.
Mag eowas kara, sambilog pang unga sa andang lugar ro anang gin rape, apang, owa eon nagpasaka it kaso ro pamilya it biktima.
Gina sugid nga ro suspek hay may diperensiya sa paino-ino.
