Kalibo Aklan ———–Nagdangop sa Bombo Radyo Kalibo ro sangka eaeaki agud nga magpangayo it bulig pinansiyal agud nga matigayon nga mapotoe ro anang nabali nga siki.
Suno kay Ronald Ivangelio Manlapas ag tumandok it Brgy.Yapak sa Isla it Boracay nga ko petsa 25 it Marso sigon kat nadiskubrehan it nagtan-aw kana nga doktor nga bali eun ro toe-an it anang waea nga siki sandig sa resulta it ginpatigayon nga x-ray examination.
Bangud kara, hay ginhambaean sigon sanda it doktor nga kinahangean nga utdon ro anang siki samtang owa pa nagasaka ro bokoe ukon basi nga mahueog sa cancer kung indi maagapan it timprano.
Apang sa makarun hay nagahueat pa sigon sanda nga may makita nga Orthopedic doktor sa Aklan Provincial Hospital.
Ginapahayag nga kinahangean anay imaw nga ma -admit it 10 diyas para sa pag clearing antes ro operasyon.
Apang bangud masyado sigon nga maeayo ro Boracay ag Kalibo hay nagastusan sanda it pamasahe ag owa man sanda it maistaran bangud sa kakueangan it kwarta.
Bangud kara hay nagapangayo sigon imaw it bulig sa publiko mas kapin sa mga may bakanteng kwarta agud nga mapaugan ro andang gaeastuson.
Ro sin-o man nga gustong magtao it bulig kay Tatay Manlapas hay puwedi nga magtawag sa anang cellphone number nga 09511348303.
