KALIBO, Aklan — Mag-eowas sa pageabag sa election gun ban, nagapangatubang man sa reklamong attempted murder ro sangka 28-anyos nga eaeaki bangud sa pagpa-eupok it baril sa tatlong kaeaeakin-an nga nag-agi eamang sa lugar bandang ala-1:50 it hapon sa Purok 3, C. Laserna St. Kalibo, Aklan.
Nakilaea ro suspek nga si Raffy Otis, residente it Oyo Torong St. Kalibo.
Nabo-oe halin sa suspek ro sangka sumpak ukon home-made shotgun ag daywang basiwo it bala.
Suno kay P/Executive Master Sergeant Abrahan Regatallo, imbestigador it Kalibo Police Station, samtang nga nagatikang sigon ro mga biktima nga sanday Rocky Rivas, 31, it Brgy. Bulwang, Numancia; Alejandro de Joseph, 39, it Brgy. Baybay, Makato ag Jomar Nabiong, 33, it Purok 2, C. Laserna St. Kalibo kat gin-abangan sigon it hilong nga suspek ag gintutukan it bitbit nga baril ag dayun nga ginpaeukpan.
Gin-insister it suspek nga gusto eamang nana nga hadlukon ro tatlo nga maswerteng owa it natamaan sa mga raya.
