KALIBO, Aklan — Patay eon kat masapwan ro sangka eaeaki matapos nga nag-eompat sa ginasakyang barko sa tunga it baybayong sakop it isla it Boracay.
Ginkilaea ro namatay nga si Manuel Diaz, 32, residente it Panit-an, Capiz.
Base sa report, sakay si Diaz it M/V Ma. Orsola halin sa Mindoro paagto it Caticlan jetty port kat gulpi sigon raya nga nag-eompat sa tunga it dagat sa bahin it Brgy. Manocmanoc, Boracay.
Nagpangayo it bulig ro kapitan it barko sa Philippine Coast Guard (PCG)-Caticlan nga insigidang nagresponde apang patay eon ro biktima kat makit-an.
Ginapahayag nga nag-abot it tunga sa oras ro ginpatigayong search and rescue operation antes raya nasapwan nga naga-eotaw sa dagat.
Nabueo sa boesa kara ro importanteng impormasyon kabangdanan nga natumod ro pagkakilan-ean it nasambitang eaeaki.
Halin sigon raya sa Maynila ag maga-uli eon kunta it Capiz bangud sa ginapangatubang nga problema sa pamilya.
