Makigpares uman ro Filipina tennis star nga si Alex Eala ag ro American tennis legend nga si Venus Williams sa women’s doubles it Mubadala DC Open nga pagahiwaton sa Washington, D.C. halin Hulyo 25 tubtob Agosto 2.
Ro tambalan nanday Eala ag Williams kabahin it mabaskog nga doubles field nga nagatipon it 18 ka Grand Slam doubles ag mixed doubles champions halin sa ATP ag WTA tours.
Una sanda nga nag-iba sa Bad Homburg Open it nag-agi nga buean, sa siin nadaog nanda sa first round sanday Alexandra Osborne ag Catherine Harrison antes nga napierde sa quarterfinals kanday Olivia Nicholls ag Tereza Mihalikova.
Si Williams hay may 14 ka Grand Slam doubles titles kaibahan ro anang manghod nga si Serena Williams.
Sa nag-agi nga edisyon it Mubadala DC Open, nakaabot man sanda sa quarterfinals kaibahan si Hailey Baptiste.
Samtang, nagbalik sa Pilipinas si Eala it nag-agi nga dominggo matapos ro madinaeag-on nga kampanya sa Wimbledon, sa kung siin nakaabot eon sanda sa Round of 16 antes nga napierde kay Jasmine Paolini.
Sa doubles event it Wimbledon, napierde man ro tambalan nanday Eala ag Nikola Bartunkova sa first round kontra kanday Jelena Ostapenko ag Sofia Kenin.
