-- ADVERTISEMENT --
Nag-withdraw sa 2026 French Open doubles tournament sanday Alexandra “Alex” Eala ag Victoria Mboko, base sa updated draw nga ginpaguwa, adlaw it Miyerkules.
Sa bag-ong draw, owa eon ro pangaean nanday Eala ag Mboko, ag ginbayluhan nanday Leylah Fernandez ag Diana Shnaider nga magasabak kontra kanday Oksana Selekhmeteva ag Anastasia Zakharova.
Nauna eon nga natapos ro kampanya ni Eala sa singles matapos mapiyerde kay Iva Jovic, sa score nga 6-4, 6-2.
Samtang, magapadayun sa gihapon sa singles competition si Mboko ag nakataeanang mag-atubang kay Katerina Siniakova sa second round makaron nga adlaw it Huwebes.
Owa pa it may ginpaguwa nga opisyal nga rason sa pag-withdraw it daywa sa doubles event.
-- ADVERTISEMENT --
