Natapos ro kampanya ni Alex Eala sa Italian Open 2026 matapos maperdi kay Elena Rybakina sa pangatlong round sa Foro Italico sa Rome.
Nagpakita it graben ga hampang si Eala kontra sa world No. 2 apang nag-daog gihapon ro eksperyensya ni Rybakina para umusad sa masunod nga yugto it torneo.
Sa pihak kara, nalista ni Eala ro anang pinakamadaeom nga pag-abot sa kompetisyon matapos makaeusot sa pangatlong round ag mabuoe ro ranking points.
Nauna eon nga ginperdi ni Eala sanday Magdalena Frech ag Wang Xinyu sa unang daywang round, nga nagmarka it anang sunod-sunod nga daog sa clay court makaron nga season.
Magamit ni Eala ro eksperyensya ngara bilang pagpahaom para sa French Open sa Paris, kasunod it anang pag-intra sa Strasbourg Grand Prix sa France.
