Ro eanggaw nga puti hay himo sa acetic acid.
Raya hay puwede sa mga may diabetes ag matambok .
Epektibo raya nga pangsukoe sa fungal infection.
Ro pag-inom it sukang puti ukon Apple Cider Vinegar hay pwedeng magpanaba it asukar sa dugo ukon blood sugar levels.
Suno sa pag-usisa ni Dr. Carol Johnston it Department of Nutrition sa Arizona State University, ro pag-inom it 2 kutsaritang sukang puti nga ginhalo sa sangka basong tubi antes nga magkaon hay makapugong sa gulping pagtaas it blood sugar pagkatapos nga magkaon .
Nakabulig raya sa mga tawong may diabetes ukon maskin sa normal nga tawo.
Suno kay Dr. Johnston, ro acetic acid it eanggaw hay posibleng nagapugong sa pagtunaw it carbohydrate nga atong ginakaon .
Bangud kara, indi eon raya ma-absorb it atong eawas ag mapaguwa eon lang pinaagi sa paghigku.
Mag-eowas sa pag-inom it inyong regular nga bueong sa diabetes, puwede man raya nga testingan .
