Naglala pa ro Ebola outbreak sa Democratic Republic of the Congo, partikular sa syudad it Mongbwalu sa probinysa it Ituri, kun siin padayon ro pagtaas it numero it mga namamatay ag nahahawahan.
Suno sa mga awtoridad, una sa 88 eon ro namatay sa Mongbwalu halin sa 339 ginadudahang kaso it Ebola.
Sa bilog nga nasyon mat-a, umabot eon sa 204 ro namatau ag 867 ro ginadudahang nahawahan halin kat ideklara ro outbreak ku Mayo 15.
Nagapangatubang man sa kakueangan it kagamitan ag limitadong testing capacity ro mga health worker sa lugar, samtang nagabulig ro Doctors Without Borders ag iba pang aid groups sa pagpatindog it isolation tents para sa mga ginadudahang pasyente.
Ginapatihang kapin pang kumalhit ro sakit matapos ma-uli sa Mongbwalu ro bangkay it unang ginadudahang biktima halin sa Bunia, kun siin nasamad sigon ro kabaong samtang una sa biyahe.
Padayon man nga nagiging hangkat sa kampanya kontra sa Ebola ro mali nga pagpati ag pagduda it pilang residente angoy sa sakit.
