NATIONAL News — Ginpaguwa eon it Commission on Elections (Comelec) ro pilang lugar sa nasyon nga may seryosong armandong pagpamaeag ag kasaysayan it mga insidente nga may kaangtanan sa eleksyon.
Base sa summary ukon listahan it election areas of concern nga ginpaguwa ni Comelec Chairman George Garcia, una sa red category ro Bangsamoro Autonomous Region in Muslim Mindanao ukon BARMM partikular sa pilang parte it Lanao del Sur, Lanao del Norte ag Maguindanao.
Sa orange category, may una man nga napabalita sa BARMM partikular sa parte it Lanao del Sur, Masbate, Datu Odin Sinsuat sa Maguindanao del Norte,Maguindanao del Sur, Isabela.
Kaabuan man sa yellow category hay pilang lugar gihapon sa BARMM, Maguindanao del Sur, Cagayan, Camarines Sur,Negros Oriental, Zamboanga Sibugay, Basilan.
Nailista man sa idaeum it green category ro pilang lugar sa Cagayan sa Region 2, Camarines Sur, Iloilo, Negros Occidental, Bohol, Basiln ag Surigao del Sur.
Madumduman nga nauna eon nga ginpahayag ni Garcia ko Enero 2025 nga 403 lugar eon sa bilog nga nasyon ro natumod nga una sa hospot ukon areas of concern para sa Midterm elections.
38 nga lugar ro una sa red category,177 ro sa idaeum it orange category nga may grabeng armadong pagpamaeag ag 188 sa idaeum it yellow category.
