KALIBO, Aklan – Nag-umpisa eun ro enrolment sa panibag-ong school year ku Hunyo 3 ag raya hay magabuhay hasta it July 26.
Sa makaron nakalista it 11,216 nga enrollees ro mga public schools ag sa private schools nga 2,090 kumpara ku nagtaliwan nga dag-on apang raya hay nasaligan nga mas gaabo pa.
Positibo man sigon ro pagbaton it mga school administrators sa mga gusto magpa-enroll bangud nga uwa man sanda it ginabalibaran ag raya hay dag-unan nga aktibidad sa pihak nga ro iba hay may mga entrance examination.
Kinahang-ean eamang sigon it Form 137 ukon report card ag birth certificate.
Makaron sigon nga mauean hay preparado man sigon sanda eabi eun ag sa agahon eamang ro klase ag haom man ro tagsa ka mga school administrators.
Samtang, makapadaea it haeos 100 nga delegado sa Palarong Pambansa ro Aklan nga hiwaton sa Cebu sa July 9-16, may una sa 26 nga sekondarya, 12 sa elementarya, 10 sa paragames, demo sports nga 4.
Suportado man sigon it Department of Education ro mga tanan nga atleta ag tanan nga parte it Palarong Pambansa halin sa Aklan.
Padayon man ro anang pag-engganyo sa tanan nga stakeholders nga makigbahin sa Brigada Eskwela halin July 22-27 ag ro kick-off ceremony sigon hay hiwaton sa Ipil Integrated School sa Batan sa July 23.
