-- ADVERTISEMENT --
Ginaeauman nga insigidang magapagguwa ro Office of the Executive Secretary it Executive Order para sa boluntaryong pagsuksok ag paggamit it face mask sa bilog nga nasyon.
Suno kay Department of Health (DOH) Officer In Charge Maria Rosario Vergeire nga nagpabor eon verbally si Pangueong Ferdinand “Bongbong” Marcos Jr. apang nagakinahang-ean pa raya it opisyal nga kasuguan ukon maisyuhan it legal document.
Suno kana, ginaeauman nga insigidang maipagguwa it Palasyo ro EO ag kinahang-ean eon lang raya nga hueaton antes eubusang maipatuman.
Samtang, ro indoor masking hay padayun pang pagatun-an it Inter-Agency Task Force ag mga eksperto kung siin nakataeana sanda nga magahimo it pilot study angot kara.
