Padayon nga gintunton it mga otoridad ro nakahamtangan it eroplano nga sakay si Vice-President Saulos Chilima it Malawi ag siyam nga iba pa matapos nga raya hay naduea sa kahawaan.
Suno sa Malawi Defense Force, nga gulpi eon lang naduea sa andang radar ro nasambit nga eroplano.
Halin raya sa Lilongwe ro capital it nasyon ag nakataeana kunta nga maghugpa sa Mzuzu International Airport kat maireport nga naduea.
Naglunsar eon sanda it search and rescue operation sa nakahamtangan it nasambit nga eroplano.
Matapos maireport hay ginkansela eon man ni Malawian President Lazarus Chakwera ro anang biyahe paadto it Bahamas.
Ko 2022 hay inaresto si Dr. Chilima bangud sa kasong pagbaton sigon it kwarta kabaylo ro pag-award kara it kontrata it gobyern apang ko nagtaliwan nga buean hay ginbasura ro kaso.
Antes naging vice president it nasyon ro 51-anyos nga si Chilima hay nagdumaea imaw it mga matag-as nga puwesto sa multinational companies kaparehas it Unilever ag Coca Cola.
