Ginklaru ni Senate Impeachment Court Presiding Officer Francis “Chiz” Escudero nga ro kinahangean agud nga masentensiyahan si Vice President Sara Duterte hay two-thirds it mga senador nga legal ag pisikal nga kwalipikadong magboto sa oras it final judgment.
Indi awtomatikong iga-eakip sa numero ro mga senador nga nakakulong ukon suspendido, may legal nga restriksyon sa andang obligasyon, indi matumod ro ginakahimtangan, gina-usoy it mga awtoridad, may pisikal ukon medikal nga kawad-an it ikasarang ukon owa sa sakop it gahum nga igapatuman it Senado.
Sa pihak kara, kinahangean sa gihapon nga tumuron it impeachment court, base sa bastante nga ebidensya, kun sin-o ro posibleng indi iga-eakip sa denominator.
Kon may fraction sa pagsuma it two-thirds, igapasaka raya sa masunod nga bilog nga numero. Halimbawa, kun 20 ro kwalipikadong magboto, ro two-thirds hay 13.33 rason nga 14 nga boto ro kinahangean.
Ginklaru man ni Escudero nga ro ruling hay pro hac vice, ukon para eamang sa presenteng impeachment trial, ag indi awtomatikong magiging binding precedent sa mga masunod nga impeachment proceedings.
