Ginbutang ni Senate President Francis “Chiz” Escudero si Atty. Reginald A. Tongol bilang tagapaghambae it impeachment court.
Suno kay Escudero, raya hay sangka mahaegang posisyon nga nagasaeaming sa handum nga maging bukas, responsable, ag mapahisayod sa publiko ro kada diskurso.
Si Tongol hay sangka batikang abogado ag media personality kun siin insigida nga magaserbe bilang spokesperson ag magatinir sa puwesto hasta sa pormal nga pag-pungko it Ika-20 Kongreso.
Paga-gampanan nana ro mahaegang papel sa pag-tao it tama, responsable, ag napapanahong impormasyon angot sa mga proseso it impeachment para mapabilin ro tiwala ti pumueuyo.
Bangud sa anang maeawig nga eksperyensya sa crisis communication ag public affairs, haum imaw nga pamunuan ro complex legal narratives ag mag-tao it klaro nga eksplinasyon angot sa mga ginahimo sa Korte.
