KALIBO, Aklan–Padayun gihapon nga nabatyagan ro mainit nga temperatura sa Espanya.
Suno kay Bombo International Correspondent Maria Edzel Lamparero Lopez, nursing supervisor sa sangka pribadong ospital sa Madrid, Spain nga nagahampang sa 36 hasta 40 degrees Celsius ro temperatura sa andang nasyon sa nagtaliwan nga mga adlaw.
Ginakabaeak-an sigon makaron ro nagatinaas nga numero it mga bumbero nga nahalitan tuga it nagakatabo nga wildfire sa mga nabukid nga lugar it nasyon.
Makabig suno kana nga kontrolado eon ro wildfire apang sigidas gihapon ro pagtuhaw kara.
Sa makaron, ginabawaean anay ro pagguwa it mga senior citizen ag pilang indibidwal nga may problema sa ikaayong eawas umpisa alas-12:00 it udtro adlaw hasta alas-8:00 it gabi-i bangud sa sobrang init it tyempo.
