USA — Gin-umpisahan eon it Estados Unidos ro pagsukot it bag-ong 10% taripa sa tanan nga import halin sa maabong nasyon base sa mando ni Pangueong Donald Trump.
Raya ro ginakabig nga pinakamabahoe nga tikang sa kalakalan sa kasaysayan it nasyon nga nagaeabag sa mga nagairal nga kasugtanan matapos World War II.
Base sa mga report, ro nasambit nga tikang hay nagtuga it $5 trilyong pagkalugi sa haega it merkado it S&P 500 ag grabeng pagnaba it presyo it langis ag mga kalakal.
Maging ro mga nasyong kaalyado it U.S. kaparehas it Australia, Britain, ag Saudi Arabia hay insigidang naapektuhan.
Apang, may pilang exemptions kaparehas it langis, bueong, ag semiconductors.
Ginaeauman nga magataas pa ro mga taripa sa maabot nga dominggo it hasta sa 50% para sa pilang kalakal.
Partikular nga pagatamaan ro mga produkto halin sa China nga may 34%, EU it 20%, ag Japan nga kapin sa 24%.
Sa kabilugan, nagaabot sa 54% ro bag-ong buwis sa kalakal halin sa China nga insigida man nga nagpatuman it kaugalingon nga mga countermeasures.
