Ginpayuhan ni dating Senate President Juan Ponce Enrile ro mga mamalidha nga tun’an ro mga impeachment trial nga nauna eon nga ginpatigayon sa mga nagtaliwan nga dag-on.
Suno kay Enrile, ro mga raya hay posibleng magserbeng ‘guiding materials’ para sa daywang kapueungan it Kongreso para mas pang mapagtibay ro andang mga posisyon sa pagbista kay VP Sara Duterte.
Kaibahan kara ro impeachment trial para kay dating Pangueong Joseph Estrada, trial kay dating Ombudsman Merceditas Gutierrez, ag ro naging impeachment trial kontra kay dating Chief Justice Renato Corona.
Samtang, nagapati man si Enrile nga apang indi posibleng istoryahan sa publiko ro merito it mga petisyong nagakwestyon sa impeachment complaint kontra kay VP Sara nga gindihon sa Korte Suprema, mas makamayad sigon para sa Senado kun tun’an man ro mga nakataliwan nga impeachment trial.
