Ginkumpirma it Department of Justice nga natapos eon ro extradition trial kontra kay dating Negros Oriental Representative Arnolfo “Arnie” Teves Jr. sa Timor Leste.
Suno sa ahensya, gintaw-an it korte ro magtimbang nga partido it bastanteng oras para makapag sumite it andang tags aka mga posisyon ag argumento.
Magasumite anay ro Timor Leste Central Authority it nagakaigong Position Paper nga pagasundan it kampo it dating mamalidha.
Limang adlaw ro gintaeana it korte para magpaguwa it andang desisyon.
Ginaeauman it Department of Justice nga igapaguwa ro desisyon it korte sa Timor Leste sa ulihing dominggo it presenteng buean.
Samtang, nagpamalibad ro abogado ni Teves nga si Atty Ferdinand Topacio nga magtao it assessment sa natabo nga Extradition trial.
Suno kana, ro naging pagpamati hay klarong biased and self-serving eamang.
Madumduman nga si Teves ro ginakabig nga utok sa pagpatay kay Negros Oriental Gov. Roel Degamo ag siyam nga iba pa ko Marso it nagtaliwan nga dag-on.
