Maabu eon nga presidente ro nagproponer it farm-to-market road agud nga madaling ibiyahe ro produkto it mga mangunguma sa banwa.
Importante ro karsada paagto sa banwa agud nga indi masamad ro mga produkto it mangunguma.
Insigida nga maibaligya.
Apang ro planong farm-to-market road hay owa nataw-an it katumanan it mga nagtaliwan nga presidente.
May mga gin umpisahan nga karsada apang owa ginpadayun it mga kontraktor rason nga nakatiwangwang ag nagsirbing daean it mga anwang sa baylo nga mga saeakyan nga magahakot it mga ani paagto sa banwa.
Ginpahayag it presidente nga naga-akto man nga agriculture secretary nga igaprayoridad ro pagpatigayon it farm-to-market road ro unang tikang agud nga masolbar ro problema sa pagkaon.
Dapat man nga tutukan ro problema sa irrigation system nga importante sa mga mangunguma.
Makaangkon man it mga seminar sa kabaryuhan agud nga matur-an ro mga mangunguma it tamang pagtanum it paeay nga madali nga magbunga ag maabu nga ma-ani.
Makarondaya man ro obrahon sa mga mangunguma it tinuea ag mga prutas, mga naga-alaga it kasapatan ag mga naga-alaga it isda.
Engkaso nga mataw-an it katumanan ro farm to market roads, kabay nga maging manami eon ro kahimtangan it pagkaon ag maging bastante sa mga Pilipino.
Tapnaon man it presenteng administrasyon ro smuggling it agri products.
