KALIBO, Aklan — Punterya it nagapadayon nga construction it ferry port terminal sa Barangay Pook, Kalibo it negosyanteng si Lucio Tan ro mga turistang magabakasyon sa isla it Boracay.
Nasayuran nga mismong si Tan ro nag-adto sa Aklan agud pirmahan ro Contract of Lease at Development Agreement sa provincial government sa idaeom it public-private partnership (PPP) pamaagi it anang Mabuhay Maritime Express Transport Inc.
Mag-eowas sa ferry port terminal hay maga-invest man it P180-million ro negosyante para sa pag-develop it Cagban jetty port sa Boracay nga pagarentahan sa sueod it 25-anyos.
Sangka klase it trimaran vessel ro pagagamitong baruto sa operasyon.
Gina-istudyuhan makaron it Sangguniang Panlalawigan ro mga ginpirmahang kasugtanan.
Ro igapatindog nga pantalan hay maeapit eamang sa Kalibo International Airport.
Magabutang man sa lugar it hotels atg business-process outsourcing terminal.
Magapatawag it public hearing ro SP kaangot kara.
