KALIBO, Aklan— Nagapangatubang sa kasong pag-eabag sa Omnibus Election Code ukon gun ban ag Republic Act 10591 ukon Illegal Possession of Firearms ro sangka festival goer matapos nga madakpan it armas sa kasagsagan it kapiyestahan ni Sr. Sto. Niño De Kalibo sa probinsya it Aklan.
Ginkilaea ro suspek nga si Edison Nemis, 60, ag residente it Barangay Janlud, Libacao, Aklan.
Narekober kana ro sangka 9mm nga baril nga may limang bala.
Base sa imbestigasyon it Kalibo Police Station, pumalag sigon ro suspek kat ginhinyo kana nga mabuksan ro anang daeang bag antes makasueod sa festival zone area.
Dikara eon nagduda ro pulisya rason nga insigidang ginharang ag tumambad sa mga awtoridad ro nasambitang kalibre nga baril.
Si Nemis hay nakakulong eon makaron sa Kalibo Municipal Police Station.
