Ginsaysay it sangka garbage collector nga eubus ro anang pagkakibot matapos nga makumpirma nga sangka fetus ro anang nabuytan.
Suno kay Tyrone Luciano garbage collector it LGU Kalibo ag residente it Brgy. Nalook nga ro fetus hay nakasuoed sa sangka cellophane nga ko una hay gin-eaum nana nga sangka damog.
Apang napan-uhan sigon nana nga mabasa ag medyo maeangsa ro sueod it basura.
Panugiron pa nana nga tawo euta gid ro nakit-an nga fetus samtang sanda hay nagakolekta sa may Jaime Cardinal Sin Avenue hasta Crossing Banga.
Nakumpirma eang sigon nga fetus ukon eapsag ro anang hasapwan kat nakaagi sanda sa lugar nga may iwag.
Madumduman nga may schedule ro pagkolekta it basura ro LGU Kalibo sa pagpanguna it Solid Waste Management Services sa bilog nga banwa.
Sa makaron hay padayun pa nga ginatukib it mga kapulisan kon sin-o ro irresponsabli ag owa it tagipusuon nga ina nga nagpilak it nasambit nga fetus.
