KALIBO, Aklan – Nakataeanang mag abot sa isla itBoracay si Rachel Grant, ro sikat nga Pinay nga bumida sa magkaeain-eaing pelikula it James Bond.
Suno sa Boracay Foundation Incorporated, magabisita ro Filipino-born British actress maghalin sa Oktubre 23 hasta 24 it makaron nga dag-un sa Ati village nga sambilog sa mga tourists attraction sa isla.
Bilang sangka writer, magahimo sigon si Grant it istorya it kakaibang kultura ag tradisyunal nga pagpangabuhi it mga katutubong Ita sa Boracay.
Naging kontrobersiyal ro Ati village nga may eapad nga 2.1 ektarya sa Barangay Manoc-Manoc matapos nga mabaril-patay ro andang tagapaghambae pilang dag-un eon ro nakataliwan bangud sa aeagawan it eugta.
Naga estar dikara ro masobra sa 200 Ita nga gintao kanda it National Commission on Indigenous People.
Si Grant hay gin unga sa Pilipinas ag sangka sikat nga British actress.
