KALIBO, Aklan–Nagbunga ro tanan nga pag-ensayo ag sakripisyo it Philippine National Women’s Football team matapos ro makasaysayan nga pagdaog kahapon kontra New Zealand sa score nga 1-0.
Suno kay Kyle Justin Marcelino, sangka Aklanon football coach nga manami ro ginpakita nga depensa it Filipinas kun siin owa sanda nagpapugong sa koponan it host country.
Nagapati imaw nga mabahoe ro tyansa it nasyon nga makasueod sa next round it world cup.
Ginaeauman nga mas pang pabaskugon it Filipinas ro andang pagpahaum sa hampang kontra Norway sa adlaw it Dominggo.
Madumduman nga madinaeag-on nga maipasueod ni Filipinas striker Sarina Bolden ro pinakaunang goal it nasyon sa kasaysayan it Fifa Women’s World Cup.
Nahimo raya ni Bolden sa 24minute mark it hampang, sa pihak it manami nga depensa nga ginpakita it New Zealand.
