Nagpaguwa it abiso ro Department of Foreign Affairs (DFA) para sa mga Pilipinong nurse nga naga usoy it trabaho sa New Zealand nga dahan bangod presente nga uwa it trabaho nga iga-offered para sa foreign nurses o Internationally Qualified Nurses (IQNs).
Ro mismong paandam hay naghalin sa Embahada it Pilipinas sa Wellington, New Zealand matapos masayran nga may pilang mga indibidwal ag mga agency nga naga offered nga mag-facilitate sa pag-hire it mga dumu-eoong nurses sa pamaagi it pag-asikaso it anda nga biyahe paadto sa New Zealand gamit ro visitor visa para makabuoe it Comprehensive Assessment Program (CAP) o Objective Structured Clinical Examination (OSCE) para sa mga nurse ag maka-apply magbuhay para sa registration it Nursing Council of New Zealand.
Pagklaro man it DFA nga maski sangka lehitimong poseso ro pagbuoe it mismong eksaminasyon para maka practice it nursing sa New Zealand, hay uwa sigon raya naggagarantiya it trabaho bangod nakadepende sigon raya sa nagakaeain eain factors kaparehas it local demand para sa nurses ag abilidad it mga employer sa health sector nga mag-hire.
Suno pa sa embahada, nakabaton sanda it mga anunsyo nga may mga nagabyahe nga Internationally Qualified Nurses sa New Zealand gamit ro visitor visa nga pwersahang ginpahalin it nasyon kat matapos eon ro andang visas bangud uwa it mausoy nga trabaho bangod ngane sa kadueaan it job opportunites makaron idto para sa nurses.
Kaangot kara gin ingganyo it Embahada ro mga Pilipinong nurse nga siguraduhong may una nga trabaho nga pagasudlan sa mismong nasyon bago maghalin it Pilipinas kaibahan eon ro lehitimong job offer nga may verified contract halin sa accredited employer ag nagakaangot nga working visa nga gin isyu it Immigration it NZ.
