SPORTS News — Gintaw-an ni Pangueong Ferdinand Marcos Jr., it tig-P2 million cash incentives ro mga Olympians ag P500,000 para sa andang coaching staff.
Sa naging diskurso it Pangueo sa ginpatigayon nga PAGBIBIGAY DANGAL: A HEROES’ WELCOME CELEBRATION FOR THE PHILIPPINES’ PARIS 2024 OLYMPIANS sa Ceremonial Hall sa Palasyo it Malakanyang, Martes it gabi-i, Agosto 13, ginpahayag kara nga ginapag-isipan pa nana kon anong iba pang bulig ro igatau it gobyerno sa mga Olympians.
Raya hay bangud nga bukon sigon it tago sa tanan ro tanan nga sakripisyo nga gina-obra it mga atleta sa andang Olympic journey.
Ro P1-million cash incentive halin sa Philippine Amusement and Gaming Corporation (Pagcor) hay gintapatan man it Office of the President it P1- million nga cash incentive rason nga ro cash incentive para sa kada Olympian hay tig- P2 million.
Sa pihak nga parte, nagpangayo man it pasaylo ro Pangueo bangud nga sangkiri eamang ro nasambit nga cash incentive nga indi makatupong sa nahimo nga sakripisyo it tanan nga mga national athletes.
Apang nagpromisa ro Pangueo nga magahueag ro administrasyon para makatau pa it maabu.
Sanday Filipino gymnast Yulo; boxers Nesthy Petecio ag Aira Villegas, nga nakabo-oe it bronze medals; ag pole vaulter EJ Obiena, nga 4th place sa Paris Games, ro mga nagpanguna sa mga outstanding national athletes nga ginsug-aeaw ag ginbaton it Pangueo sa Palasyo it Malakanyang.
Gintau ro Presidential Citations sa tanan nga mga atleta samtang si Yulo hay nakabaton it Presidential Medal of Merit.
Ro Cash incentives para sa mga Olympic medalists ay gintau it Pangueo.
