Ginreport it Department of Health (DOH) ku nagtaliwan nga dominggo nga nagnaba ro kaso it influenza-like illnesses (ILI) sa bilog nga nasyon halin Enero 1 hasta Pebrero 1.
Suno kay Assistant Secretary Albert Domingo, tagapaghamabae it DOH nga nakarekord it kapin 9,995 kaso it ILI sa sang buean halin sa 21,340 kaso ku nagtaliwan nga dag-on.
An-om ro nareport nga namatay kun sa siin mas manaba kesa sa 33 fatality ku nagtaliwan nga dag-on.
Nag padumdom man imaw sa tanan nga mag hugas it alima, magsuksok it facemask, takpan ro baba kun ga ubo, ag mag pahuway sa baeay kun nakakaeksperyensya it sintomas it flu.
Ginkumpirma man nana ro advisory it Philippine Embassy angot sa pagtaas it kaso it influenza sa Japan.
Tumaas ro kaso it ILI sa Japan umpisa ku Nobyembre 2024 pero nag-umpisa it naba ku January.
Padumdom man ni Domingo para sa mga Pilipino nga ga adto it Japan nga sundon ro dvisory it DFA.
