KALIBO, AKLAN – Haum eon ro mga foreign ministers it Association of Southeast Asian Nations (ASEAN) para sa andang kauna-unahang pueong hin-aga, Pebrero 21 sa isla it Boracay.
Ro ASEAN Foreign Ministers Retreat hay paga pangunahan ni Foreign Affairs Secretary Perfecto Yasay Jr., kun siin kadunghan it pag-host it Pilipinas ro pagdumdum sa andang 50th Founding Anniversary.
Paga sundan ro retreat it Senior Officials Meeting (SOM).
Gina sugid nga ku adlaw pa it Sabado nag abot ro mga Foreign Ministers ag senior officials maghalin sa Brunei, Cambodia, Indonesia, Laos, Malaysia, Myanmar, Singapore, Thailand ag Vietnam kamana man ro Secretary General it ASEAN para sa nasambitang pueong.
Kaeakip sa pagatalakayon sa ministers meeting ro ASEAN Community Building kaibahan ro pagpatuman it ASEAN Community Vision 2025 ag iba pang international ag regional issues nga may kaangtanan sa ASEAN.
Magahimo sigon ro mga foreign ministers it mga plano ag programa agud masolusyunan ro maabong pagsubok nga gina pangatubang it rehiyon kapareho it terorismo, iligal nga droga, human trafficking, climate change ag iba pa.
