NATIONAL News — Ginapag-isipan it mayad it administrasyong Marcos ro pagtukod it sangka forensic institute nga magatau it daean para sa sangka science-based investigation sa criminal prosecution.
Suno kay Department of Justice (DOJ) Undersecretary Raul Vasquez nga kapin sa tatlong foreign ambassadors ro nag-commit nga magabulig sa gobyerno it Pilipinas agud nga mataw-an it katumanan ro nasambit nga plano.
Ginpahayag nga ro Forensic Institute, ro pangatlong promisa it gobyerno nga gin-anunsyo ni Executive Secretary Lucas Bersamin.
“This Forensic Institute is to have a science-based investigation and criminal prosecution. And more importantly, it will also help in maritime disaster and natural calamities etcetera,” pahayag kara.
Ro mga ambassadors nga nag-commit nga magabulig hay ro Australia, UK ag Norway.
Ginpahayag ni Vasquez nga ro daywa pang pledges ukon promisa nga gin-anunsyo sa ginpatigayon nga Geneva event hay ro pagpaguwa it Administrative Order nga magatukod sa Special Committee for Human Rights Coordination sa idaeum it Office of the President (OP).
Samtang, ro iba pang promisa hay ro pagtukod it Philippine Human Rights Plan nga paga-obrahon eon makaron.
