Ginakwestyon makaron ni former New Washington mayor Jessica Panambo kon anu ro depinisyon it “abandonment” matapos nga ginkaalarma it mga benepisyaryo it pabahay it National Housing Authority (NHA) sa pilang barangay sa banwa nga may red markings ag may nakapaskil nga notice of abandonment ro andang tagsa ka unit.
Suno sa dating alkalde, ro pabahay sa Polo, Ochando ag Mataphao hay naiaward eon sa mga benepesyaryo sa anang tyempo kon sa siin witness sigon kara ro opisyal it NHA.
Ginpahayag dugang nga matsa pamulitika ro daeagan it LGU sa pagpadumaea ni mayor Shimonette Francisco matapos nga may natabo nga validation ag base sa validators hay ginadisqualified sa housing unit ro apektadong benepisyaryo.
Kon bukon it pamulitika suno kana ro daeagan, ham-an it inde pag-unahon ro idto sa barangay Fatima.
Nasayuran nga maabong indibidwal ro nagpaabot it hinaing matapos nga ro andang housing unit hay may nakapaskil eon nga notice of abandonment maskin nga ro iba kara hay uwa pa natapos ag inde pa pwede maistaran.
