Daywang koponan eon ro nakasiguro it puwesto sa semifinals it FIFA World Cup 2026 matapos magpangibabaw ro France ag Spain sa andang natungdan nga mga quarterfinal matches.
Unang umabante ro France matapos piyerdihon ro Morocco, sa score nga 2-0, samtang ginsundan raya it Spain sa gahum it 2-1 nga kadaeag-an kontra sa Belgium. Maga-atubang ro France ag Spain sa unang semifinal nga pagahiwaton sa Hulyo 15 sa AT&T Stadium sa Arlington, Texas.
Samtang, nakataeana pang paga-agawan ro ulihing daywang semifinal slots sa quarterfinal matches sa tunga it Norway ag England, ag Argentina ag Switzerland sa Hulyo 12. Ro mga magadaog sa daywang hampang ro maga-atubang sa ikaywang semifinal nga pagahiwaton sa Hulyo 16 sa Mercedes-Benz Stadium sa Atlanta.
Padayun nga naga-init ro hampang para sa ginahandum nga puwesto sa FIFA World Cup 2026 final.
