Kalibo, Aklan-Ginpasakaan it kaso it mga military ag pulis it kidnapping ag nagresulta sa other forms of child abuse sanday Alliance for Concerned Teachers representative France Castro, Satur Ocampo, administrator it eskwelahan nga Salugpungan Ta Tanu Ingkanogan Community Learning Center, Inc, waeong manugturo, ap-at nga pastor ag daywang miyembro it ACT.
Suno kana nga acquitted ro ibang pastor apang imaw kaibahan ro iba hay convicted sa R.A. 7610 sa ginpaguwa nga desisyon it Tagum Regional Trial Court ku Hulyo 15. Nag-umpisa sigon raya sa kun siin nga sayod sigon imaw sa ginharass, ginahadlok ag ginapatay ro mga Lomad sa Mindanao. Ginapalayas man sanda ag may eskwelahan nga ginpasara nga raya hay ginakabig nga nagaturo it aktibismo ag eskwelahan it New People’s Army.
Ku Nobyembre 28-30 sigon hay may National Solidarity Mission sanda nga plano nga hiwaton ag nag-adto pa sanda sa mga opisyal it Department of Education sa lugar ukon sa nasambitan nga eskwelahan sa Talaingod, Davao del Norte ku 2018, apang kat sa Tagum City eun sigon sanday Castro hay nakabaton sanda it tawag nga ginaharass ro mga unga ag manugturo ag ginapapanaw, ngani nga nagdesisyon ro mga manugturo nga maghalin eun lang sa nasambitan nga lugar.
Ginbuligan sigon ni Castro ag Ocampo ro mga magarescue ag sinakay sa saeakyan paadto sa Tagum City ro mga Lomad ag manugturo apang ginbaeabagan sanda sa checkpoint ag matapos sigon kato hay ginpasakaan eun sanda it kaso. Apang, panindugan ni Castro nga malimpyo ro andang katuyuan ag nagsabat eamang sa hinyo it mga nagkihang-ean. Ginakabig nana nga raya hay bukon it kabaton-baton, apisar nga on bail man sigon sanda halin ku 2018 hay plano pa nanda nga mag-apela sa korte bago magJuly 30 ag isaka sa Supreme Court.
