May una eon nga mga preparasyon para sa roll out it direct fuel subsidy program para sa mga drivers, operators ag delivery riders nga apektado it pagtaas it presyo it langis.
Suno kay Transport Undersecretary Ramon Reyes, oras nga sertipikahan it Department of Energy (DOE) nga umabot eon sa $80 per barrel ro Dubai crude oil sa sueod it sang buean hay insigidang igaroll-out ro subsidy program.
Ro P2.5 billion nga pondo para sa programa hay pagaboe-on sa 2025 General Appropriations Act kon sa siin uwa pa it pondo sa idaeom it 2026 budget apang kon magakinahang-ean it dugang pondo hay pwedeng magpangayo sa Office of the President.
Punterya nga mataw-an it subsidy ro 247,000 public utility jeepney (PUJ) operators and drivers, 150,000 delivery riders ag 723,000 tricycle operators.
Sa makaron suno kana hay ginaayos eon ro mekanismo sa pagahimuon nga sistema sa pagpanupod it subsidy.
