KALIBO, Aklan — Ginpamilit ni Atty. Harry Sucgang, sangka political analyst sa Aklan nga tiempo eon agud nga pasabton ro mga una sa likod it mga maanomalyang proyekto para sa flood control.
Raya hay kasunod it ginpatigayon nga hearing it Senado ag Kamara sa flood control anomalies.
Suno kana nga mabuhay eon nga nasayuran it publiko ro makarondaya nga kalakaran, apang bangud sa ginatawag nga power play hay nakasanayan eon raya it mga korap nga mga kontratista, mga pulitiko ag Department of Public Works and Highways (DPWH).
Ro dating ginahimo nga kupit suno hay naging garapalan eon nga pagpanakaw sa kaban it nasyon.
Makabig sigon nga paeag sa ekonomiya it nasyon ro mga anomalya nga nagakatabu sa flood control projects.
Samtang, ginpahayag pa ni Atty. Sucgang nga dapat eon nga maakig ro publiko sa mga opisyal it gobyerno, politiko, ag kontratista nga eakot sa pagpanakaw it pondo it nasyon.
Bangud nga nagatrabaho sigon it husto ro mga Pilipino ag nagabayad it tamang buwis samtang ginagastos eamang raya it mga kurakot.
Sa makaron suno kana hay maabu nga mga pumueuyu ro nadismaya ag naakig sa nabulgar nga mga anomaliya sa flood control projects.
