Posibleng pabalik eon it nasyon si retired police colonel ag dating PCSO GM Royina Garma matapos harangon sa pag-abot nanda sa Amerika.
Suno kay Philippine Ambassador to the United States Jose Manuel “Babe” Romualdez, ginpasayod it US authorities sa Philippine Consulate ro pagkulong kay Garma.
Madumduman nga naghalin it nasyon si Garma kaibahan ro anang ongang babaye ko Nobiyembre 7 ag naharang kamana man ginkustodiya it US Immigration sa San Francisco bangud sa anang canceled visa.
Ginpaathag ni Ambassador Romualdez nga ro pagkansela sa visa ni Garma hay posibleng bangud sa Magnitsky Act.
Sa idaeom it nasambit nga laye, ginabawaean it US government ro pagsueod, pag-freeze it assets ag pagpatuman it iba pang sanctions kontra sa mga dumueoong government officials nga imbolbado sa pag-eabag sa tawhanong kinamatarong.
