Kalibo Aklan —— Umpisa sa Mayo 16 hay pagaboe-on eon sa General Community Quarantine (GCQ) ro bilog nga Western Visayas.
Raya hay suno kay Presidential Spokesperson Harry Roque kasunod it rekomendasyon it National Inter-Agency Task Force for the Management of Emerging Infectious Diseases (IATF-EID) nga insigidang gin-aprubahan ni Pangueong Rodrigo Duterte.
Suno kana, ro bilog nga Rehiyon 6 hay ginakabig eon nga una sa “low risk” it 2019 coronavirus disease (COVID-19).
May kaangtanan kara, eauman ro paghaeoga sa mga polisiya nga ginapatuman sa bilog nga probinsya it Aklan ag magabukas eon ro mga non-essential establishment.
Apang, inde makabig nga maibalik eagi sa normal ro pagpangabuhi it mga tawo kaparehas sa mga nakasanayan kat uwa pa nag-eopok ro COVID-19 pandemic.
Posibleng maga-iral ro ginatawag nga “new normal” kon sa siin may pilang pagbag-o nga matabo partikular sa public transportation, pamaeak-eon sa mga pampublikong merkado ag maging sa mga establisyimento.
Raya nga tikang hay ginahimo ag igapatuman it gobyerno agud nga inde magbalik ro makamaeatay nga virus nga nagpatay it ginatos ka libong katawo sa bilog nga kalibutan.
