National News——-Napagdesisyunan ni Davao City Mayor “Inday” Sara Duterte-Carpio nga indi anay pag-ipatigayon makaron nga dag-on ro Christmas Day gift-giving sa ancestral house it anang ama nga si Pangueong Rodrigo Duterte.
Nasayuran nga nakagawian eon ro nasambitang event apang prayoridad ro precautionary measure agud malikawan ro mas pagtaas it kaso it coronavirus sa siyudad.
Suno sa alkalde, mabahoe ro posibilidad nga kon ipadayon it lokal nga gobyerno ro aktibidad hay siguradong inde matuman ro health protocols eabi eon ro social distancing.
Nasayuran nga kada dag-on hay libo-libong Dabawenyo ro nagabisita sa ancestral house ni Pangueong Duterte sa Taal Road, Central Park Subdivision sa Barangay Bangkal, para magpangayo it pamaskwa.
Nauna eon nga ginpahayag it Inter-Agency Task Force for the Management of Emerging Infectious Diseases nga striktong ginabawaean ro mass gatherings nga sambilog sa ginakonsiderang “super-spreader” it deadly virus.
