Gintambakan it Gilas Pilipinas ro Hong Kong sa score nga 93-54 para mapabilin ro uwa it pyerde sa second window it FIBA Asia Cup 2025 Qualifiers sa hampang nga ginpatigayon sa Mall of Asia Arena.
Halin sa umpisa hay dominado it Gilas Pilipinas ro hampang kon sa siin ginamit ro kataason nanday Kai Sotto ag Jun Mar Fajardo para mapaeayo ro abante it Gilas.
Raya eon ro ulihing hampang it Gilas sa nasyon para sa window 2 ag nabuoe ro 4-0 nga bentahe sa Group B.
Bangud sa pagdaog hay sigurado eon ro pagbalik it Gilas sa FIBA Asia Cup sa Saudi Arabia sa buean it Agosto.
Mismong si Dwight Ramos ro uwa nakahampang bangud sa calf injury.
Nagpanguna sa pagdaog it Gilas si Carl Tamayo nga naglista it 16 points, limang rebounds samtang may 13 points, tatlong rebounds ag tatlong assists mat-a si Justin Brownlee samtang may 12 points, 15 rebounds ag daywang blocks si Kai Sotto.
Masunod nga hampang it Gilas hay sa third window it FIBA Asia Cup Qualifiers nga igapatigayon sa Pebreo 20 kontra sa Chinese Taipei ag New Zealand sa Pebrero 23.
