KALIBO, Aklan — Nag-deploy ro Philippine Statistics Authority ukon PSA-Aklan it kabilugan nga 618 nga personnel sa probinsiya agud nga magpatigayon it 2024 Census of Population and Community-Based Monitoring System nga nag-umpisa ko Hulyo 15 ag magatapos sa September 16.
Raya hay ginaeakipan it 525 nga enumerators, 73 nga team supervisors, ag 20 nga census area supervisors nga gin-assign sa nagkaeain-eain nga barangay sa 17 nga banwa sa Aklan.
Sa ikatlong domingo nga pag monitor it POP-CEN Enumeration, ginpahayag ni Senior Statistical Specialist Peter S. Mangilog it PSA Aklan nga naka adjust eon ro mga enumerators sa system ag paggamit it andang mga tablet sa pagbo-oe it data kun sa siin nagapadayun ro andang pagpamaeaybaeay .
Apang bukon sigon it tanan hay nag umpisa sa mismong petsa nga ging taeana bangud sa technical problem sa tablet nga gingamit it mga enumerators.
Naka-encounter man sigon it problema ro pilang mga enumerators butang nga posibleng indi maka-eagas sa gintaeana nga deadline bangud sa weather condition samtang ro iba hay nakaangkon it dengue.
Mag-eowas kara, nakaangkon man it problema sa mga residente nga owa nagapakita it kooperasyon ag bounderies sa mga baryo.
Dugang pa kara nga kinahang ean gid nga mag pasakop sa survey agud nga mabuoe ro anda nga data bangud kinahangean kara nga ma-update ro numero ukon imbentaryo it mga tawo sa nasyon bangud raya ro gina basihan sa tax allocation ukon IRA, para maka generate it progama ro gobyerno para sa mga pamueoyo.
Dugang pa ni Mangilog nga ro ginahimong survey hay daywa nga ginaeakipan it CENSUS OF Population nga mandatory ag naga captured sa numero it populasyon, demographic profile ag CBMS nga voluntary nga nagabuoe it socio economic data, literacy eakip ro health ag public safety.
Ro CBMS man sigon ro ginabasihan sa pagbuoe it 4P’s beneficiary.
Gina enggaanyo man ro mga pumueuyo nga magpartisipar ag magsabat it ensakto.
