Gintawag nga tsismis it Malakanyang ro report nga may una nga colon cancer si Pangueong Ferdinand Marcos Jr.
Ginpahayag ni Palace Press Officer Atty. Claire Castro nga nakakasamad sa Pangueo, sa gobyerno ag sa ekonomiya ro mga makarondaya nga klase it tsismis eabi eon kon halin raya sa mga fake news peddler.
Gintumod ni Castro nga si Atty. Harry Roque ro nagpakalat sigon it tsismis nga may una nga colostrum bag ro Presidente sa anang tiyan ag nagpaguwa pa it litrato nga medyu may umbok sa kilid it tiyan sa sangka aktibidad kara.
Suno kay Castro, nakita man sa video nga gin alsa it Pangueo ro anang mga alima samtang naga kaway sa atong mga kababayan.
Kitang-kita man sigon sa ginasugid nga mga litrato nga ginpakita ni Roque sa social media nga puro mga kapurilan eamang .
Nagpanawagan si Castro sa publiko nga indi magpati sa mga ginapakalhit nga fake news halin sa kampo ni Roque ag indi pagpatihan ri mga makarondaya nga klase it tsismis.
