Ginang, nagreklamo matapos ginsueod it owa makilaeang persona ro andang panimaeay

Kalibo Aklan ——-Nagreklamo sa taeatapan it pulisya ro sangka ginang matapos nga ginsueod sigon ro andang panimaeay it owa pa makilaeang persona kahapon sa Brgy. Linabuan Norte, Kalibo.

Nakilaea ro tagreklamo nga si Rosalie Delgado, 54-anyos, residente it nasambitang lugar.

Base sa report, maghalin sa banwa it Kalibo ro biktima kung sa siin sa anang pag-uli hay nakibot eon lang imaw kat anang makit-an nga nagkaealhit eon ro andang mga gamit sa sueod it baeay.

Sa pagsikyar sigon it biktima sa anang kwarto anang natueopangdan nga owa eon ro anang kwarta nga nagabalor it 1,200 pesos nga nakasueod sa drawer box.

Sa makarun hay blangko pa ro tagreklamo kung sin-o ro responsable sa nasambitang insidente.