-- ADVERTISEMENT --
KALIBO, Aklan — Nagapamayad eon sa Aklan Provincial Hospital ro sangka ginang nga ginasugid nga may diperensiya sa paino-ino nga nagpa-onga sa kaugalingon pamaagi it normal delivery sa sueod it sangka payag sa likod it sangka mall sa Roxas Avenue Extension Brgy. Andagao, Kalibo, Aklan.
Ginkilaea ro babaye sa pangaeang Edelyn Rebello, 41, ag residente it nasambitang lugar.
Una eon sa mayad nga kahimtangan ro gin-onga nga eapsag nga ginata-o sa taeatapan it Department of Social Welfare and Development.
Insigidang nagresponde sa lugar ro mga tawuhan it Municipal Disaster Risk Reduction and Management Office (MDRRMO)-Kalibo ag naabutan nga nakadukot pa ro umbilical cord it onga.
